Şriftin ölçüsü :

Saytın rəngi :

01 iyun 2023-cü il tarixində Binəqədi Rayon İcra Hakimiyyətinin başçısı Elxan Allahverdiyevin Xocəsən qəsəbə sakinləri ilə səyyar qəbulu keçirildi.

01 iyun 2023 | 14:27

01 iyun 2023-cü il tarixində Binəqədi Rayon İcra Hakimiyyətinin başçısı Elxan Allahverdiyevin Xocəsən qəsəbə sakinləri ilə səyyar qəbulu keçirildi.

Görüşdə YAP Binəqədi Rayon Təşkilatının sədri, Rayon İcra Hakimiyyəti başçısının müavinləri, Aparatın məsul şəxsləri, bələdiyyə, qəsəbə inzibati ərazi dairəsi üzrə nümayəndəliyin, xidmət sahələrinin rəhbərləri iştirak etdilər.

Rayon İcra Hakimiyyəti başçısı ölkə rəhbərinin tapşırıq və tövsiyələri əsasında respublikamızda aparılan sosial-iqtisadi islahatlar, əhalinin rifah halının yüksəlməsi istiqamətində görülən işlər barədə vətəndaşlara ətraflı məlumatlar verdi.  Qəsəbə  sakinləri bundan öncəki görüşlərdə qaldırılmış problemlərin müsbət həlli ilə bağlı dövlət başçısına öz təşəkkürlərini bildirdilər.

Daha sonra RİH başçısı Elxan Allahverdiyev görüşdə iştirak edən sakinlərin Şəhid Sənan Zamanov (Muğan küçəsi) küçəsinin asfatlanması, kanalizasiya xəttində yaranmış problemin aradan qaldırılması, küçənin işıqlandırılması və küçə adını bildirən lövhələrin vurulması; Şəhid İskəndər Dövlətli küçəsində (Bələdiyyə küçəsi) ödəniş terminalının yerləşdirilməsi; R.Allahverdiyev küçəsi, 313 saylı məktəbin qarşısında yerləşən mövcud avtobus dayanacağının təmir edilməsi; Şəhid İskəndər Dövlətli küçəsində (Bələdiyyə küçəsi) əlavə drenaj sisteminin quraşdırılması; Motodrom y/m, Zəngibasar küçəsinin asfaltlanması və Xocəsən Sağlamlıq Mərkəzində stasionar xidmətin göstərilməsi üçün yeni korpusun tikilməsi ilə bağlı müraciətlərini dinlədikdən sonra qaldırılan məsələlərin həlli istiqamətində müvafiq tədbirlərin görülməsi ilə əlaqədar aidiyyəti qurumlara müvafiq tapşırıqlar verdi.

Keçidlər