Binəqədi Rayon İcra Hakimiyyətinin 1646 - Sakinlərin Müraciət Xidmətinə 2016-cı ilin 6 ayı ərzində daxil olmuş vətəndaşların müraciətlərinə baxılması vəziyyətinin təhlili

Binəqədi Rayon İcra Hakimiyyətində rayon sakinlərinin qarşılaşdığı problemlərin həll edilməsi istiqamətində operativ tədbirlər həyata keçirmək, vətəndaşlara göstərilən xidmətlərin səviyyəsini yüksəltmək üçün yaradılmış Sakinlərin Müraciət Xidmətinə 1 yanvar-30 iyun tarixlərində daxil olan zənglər təhlil edilərkən müəyyən edilmişdir ki, cavablandırılmış zənglərin sayı 18304, birbaşa cavablandırılan zənglərin sayı 14125,  yaradılan əks əlaqələrin sayı 4578, günlük orta zəng sayı 90, tərtib edilmiş şikayət vərəqələrinin sayı 4179 olub.

Şikayət xarakterli 4179  müraciətin, 3433-ü və ya 82,2 %-i tam həll olunub, 319-u və ya 7,6 %-i qismən həll edilib, 427-si və ya 10,2 %-nə müvafiq izahat verilərək həll edilib.

Daxil olmuş şikayətlərin 1650-si və ya 39,5 %-i qaz təchizatı, 1578-i və ya 38 %-i su-kanalizasiya,  348-i və ya 8,3 %-i lift problemləri, 227-si  və ya 5,4 %-i istilik təchizatı,  105-i və ya 2,5 %-i elektrik təchizatı, 92-i və ya 2,2 %-i sakinləri narahat edən digər məsələlər, 72-si və ya 1,7 %-i yolların yararsız olması, 49-u  və ya 1,2 %-i məişət tullantılar ilə əlaqədar, 31-i və ya 0,7 %-i isə küçələrin işıqlandırılması idarəsi, 27-si və ya 0,5 %-i yaşıllaşdırma idarəsi ilə əlaqədar olub.

Xidmətə 6 ay ərzində 158 təşəkkür müraciəti daxil olub.

2015 və 2016-cı illərin 6 ayı ərzində Binəqədi Rayon İcra Hakimiyyətinin Sakinlərin Müraciət Xidmətinə (1646) daxil olmuş zənglər və onların sahələr üzrə bölgüsü

2015 və 2016-cı illərin 6 ayı ərzində Binəqədi Rayon İcra Hakimiyyətinin Sakinlərin Müraciət Xidmətinə (1646) daxil olmuş zənglər

2015 və 2016-cı illərin 6 ayı ərzində Binəqədi Rayon İcra Hakimiyyətinin Sakinlərin Müraciət Xidmətinə (1646) daxil olmuş zənglərin sahələr üzrə bölgüsü