Biləcəri bələdiyyəsində “Səmərəli əməkdaşlıq və fəaliyyətin əlaqələndirilməsində yeni perspektivlər” adlı seminar- müşavirə keçirildi.

3 Avqust  tarixdə  Binəqədi  Rayon  İcra Hakimiyyəti ilə Biləcəri bələdiyyəsi arasında “Səmərəli əməkdaşlıq və fəaliyyətin əlaqələndirilməsində yeni perspektivlər” adlı seminar – müşavirə keçirilmişdir. Seminar – müşavirədən öncə Biləcəri bələdiyyəsinin inzibati binası və bələdiyyənin şöbələrində görülən işlərlə tanışlıq olmuşdur. Keçirilən seminar – müşavirədə  Binəqədi rayon İcra Hakimiyyəti Aparatının İctimai – siyasi və humanitar məsələlər, Ərazi idarəetmə və yerli özünüidarəetmə orqanları ilə iş şöbəsinin əməkdaşları, Biləcəri bələdiyyəsinin sədri, bələdiyyə quluqçuları və Binəqədi rayon İcra Hakimiyyətində təcrübədə olan ASAN könüllüləri iştirak etmişdirlər. Keçirilən görüşdə dini radikalizm və ektremizmə qarşı effektiv tədbirlərin həyata keçirilməsi, PR və mətbuatla iş, rayon ərazisində fəaliyyət göstərən idarə, müəssisə, təşkilatlarla işin koordinasiyalı qurulması və gənclərin asudə vaxtlarını səmərəli təşkili, sosial layihələrin keçirilməsi  istiqamətində qarşılıqlı fikir mübadiləsi aparılmışdır.İlk olaraq görüşü Binəqədi rayon İcra Hakimiyyətinin İctimai-siyasi və humanitar məsələlər şöbəsinin müdir müavini Rauf Həsənov açaraq RİH-nin məsul əməkdaşlarını bələdiyyə qulluqçularına təqdim etmiş və görüşün proqramı haqqında məlumat vermişdir. Daha sonra Biləcəri bələdiyyəsinin sədri Hikmət Quliyev bələdiyyə quluqçularını təqdim etmiş və görüşün səmərəliyi haqqında məlumat vermişdir. Təqdimatlardan sonra hər iki tərəf arasında İctimai – siyasi və humanitar məsələlər sahəsində o cümlədən, təhsil, məktəbəqədər təhsil, səhiyyə, din, mədəniyyət, KİV-lə əməkdaşlıq, sosial şəbəkələrlə işin təkmilləşdirilməsi və eyni zamanda sosial layihələrin icra edilməsi sahəsində müzakirələr aparılmışdır. Müzakirələr zamanı bir sıra mühüm təkliflər irəli sürülmüş və həmin təkliflərdən ibarət tədbirlər planının hazırlanması tövsiyyə olunmuşdur. Müzakirələr zamanı Binəqədi rayon İcra Hakimiyyətində təcrübə keçən ASAN könüllüləri də təkliflərini irəli sürərək çıxış etmişdirlər. Tədbir zamanı Biləcəri Bələdiyyəsində yeni yaradılmış İctimai-humanitar sektor haqqında məlumat verilmiş və  ona rəhbərlik edəcək bələdiyyə üzvi Leyla Əliyeva Rayon İcra Hakimiyyətinin məsul əməkdaşlarına təqdim edilmişdir. Görüşün sonunda xatirə fotosu çəkdirilmişdir.