Binəqədi rayonunda Beynəlxalq Mülki Müdafiə günü ilə bağlı tədbir keçirildi

01 mart 2017 | 11:00

1 mart tarixində Binəqədi Rayon İcra Hakimiyyəti və Fövqəladə Hallar Nazirliyi Binəqədi rayon Fövqəladə hallar və mülki müdafiə şöbəsinin birgə təşkilatçılığı ilə 3 saylı tam orta məktəbdə Beynəlxalq Mülki Müdafiə günü ilə bağlı tədbir keçirildi.
Tədbirdə Binəqədi Rayon İcra Hakimiyyəti başçısının birinci müavini, Rayon Fövqəladə Hallar komissiyasının sədri İlqar Süleymanov, FHN Mülki Müdafiə işinin təşkili baş idarəsinin Əhalinin və Ərazilərinin Mühafizəsinin təşkili idarəsinin rəisi, polkovnik leytenant Elman Əzizov, Hüquq şöbəsinin müdiri Yunis Hüseynov, FHN-nin Bakı Regional Mərkəzinin zabit heyəti, rayonun idarə təsərrüfat müəssisələri, 276, 83, 102 saylı məktəblərin təlim-tərbiyə üzrə direktor müavinləri, Rayon Ərazi MM Qüvvələri, Rayon Qırmızı Aypara Cəmiyyətinin nümayəndələri, şagirdlər və müəllimlər iştirak etdilər.
Tədbirdə Mülki müdafiə qrupları tərəfindən fövqəladə hallar zamanı görülən zəruri təhlükəsizlik tədbirləri şərti olaraq göstərildi.
Sonra isə fövqəladə hallar zamanı istifadə olunan avadanlıqlar və geyim əşyaları ilə tanışlıq oldu.

Keçidlər