8 mart Beynəlxalq Qadınlar Günü münasibətilə 272 saylı körpələr evi-uşaq bağçasında tədbir keçirildi

8 mart Beynəlxalq Qadınlar Günü münasibətilə Binəqədi rayonundakı 272 saylı körpələr evi-uşaq bağçasında tədbir keçirildi.
Tədbirdə Binəqədi Rayon İcra Hakimiyyətinin İctimai-siyasi və humanitar məsələlər şöbəsinin baş məsləhətçisi Jalə Tofiqqızı, 272 saylı körpələr evi-uşaq bağçanın müdiri Şəfiqə Əliyeva, bağçanın kollektivi və uşaq kontingenti, ASAN Könüllüləri iştirak etdilər.  
Tədbirdə Binəqədi Rayon İcra Hakimiyyətinin İctimai-siyasi və humanitar məsələlər şöbəsinin baş məsləhətçisi Jalə Tofiqqızı 8 Mart - Beynəlxalq Qadınlar Günü münasibəti ilə Binəqədi Rayon İcra Hakimiyyəti adından bağçanın kollektivini, balaca fidanları və onların simasında rayonun bütün qadınlarını təbrik etdi, xoş arzularını çatdırdı. Bildirdi ki, Azərbaycan qadını tarixin bütün dövrlərində yüksək mənəvi-əxlaqi xüsusiyyətləri öz xarakterində birləşdirib. Qədim köklərə söykənən milli ailə dəyərlərinin daşıyıcısı olan Azərbaycan qadını həm də cəmiyyətin gələcəyi üçün sağlam nəsil yetişdirən bir ana olaraq həmişə dərin hörmət və ehtirama layiq olub. Eyni zamanda, bu gün qadınlar respublikanın ictimai-siyasi həyatında, ölkənin tərəqqisi proseslərində fəal iştirak edir və öz töhfələrini verirlər. Azərbaycan cəmiyyətinə ən böyük töhfə verən, humanizmi və xeyirxah əməlləri ilə xalqın sevgisini qazanan Mehriban xanım Əliyevanın fəaliyyəti müasir qadınlar üçün bir nümunədir.  Bu baxımdan heç təsadüfi deyil ki, Azərbaycanın ictimai-siyasi və mədəni həyatında mühüm rol oynayan, bu sahəyə dəyərli töhfələr verən, ölkənin birinci xanımı, Yeni Azərbaycan Partiyasının sədr müavini, UNESKO-nun və İSESKO-nun xoşməramlı səfiri Mehriban xanım Əliyevanın ölkə Prezidenti cənab İlham Əliyevin Sərəncamı ilə Azərbaycan Respublikasının birinci vitse-prezidenti təyin edilməsi sevinclə qarşılandı.
272 saylı körpələr evi-uşaq bağçasının müdiri Şəfiqə Əliyeva çıxış edərək bildirdi ki, tədbirin əsas məqsədi məktəbəqədər bağça uşaqlarında qadınlarımıza sevgi aşılamaq, onları gələcəkdə analarına, müəllimələrinə hörmət etməyi öyrətməkdir.
Sonra bağçanın balaca fidanlarının ifasında şeirlər səsləndirildi, maraqlı səhnəciklər nümayiş olundu.