Binəqədi rayonunda “Aztəminatlı ailələrə dövlət dəstəyi” mövzusunda tədbir keçirildi
İyulun 12-də Binəqədi Gənclər Evində Açıq Hökumətin təşviqinə dair 2016-2018-ci illər üçün Milli Fəaliyyət Planının icrası ilə əlaqədar vətəndaş cəmiyyəti institutları ilə əməkdaşlığın qurulması və onların fəaliyyətinin dəstəklənməsi istiqamətində növbəti tədbir keçirildi.
“Sosial Tərəqqinin Dəstəklənməsi” İctimai Birliyinin müraciəti əsasında Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə təşkil olunan tədbirdə Binəqədi Rayon İcra Hakimiyyətinin İctimai- siyasi və humanitar məsələlər şöbəsinin müdir müavini Rauf Həsənov, Rayon Gənclər və İdman İdarəsinin rəisi Elvin Aslanov, rayon bələdiyyələrinin İctimai-humanitar sektorlarının müdirləri, QHT nümayəndələri və Binəqədi gəncləri iştirak etdilər.
Ölkə başçısının qətiyyətli dövlət siyasətinin mərkəzində Azərbaycan vətəndaşının olması, əhalinin sosial rifahının yaxşılaşdırılması üçün dövlət proqramlarının konkret və uğurla həyata keçirilməsi, ölkəmizin bütün sahələrdə olduğu kimi, qlobal böhran şəraitində bir sıra ölkələr üçün tamamilə əlçatmaz görünən iqtisadi inkişaf sürətinə nail olması kimi məsələlər tədbirin əsas müzakirə mövzusu oldu.
