Binəqədi qəsəbəsinin sakinləri arasında “Nərd”, “Şahmat” və “Dama” üzrə rayon birinciliyi keçirildi.
Binəqədi Rayon İcra Hakimiyyətinin dəstəyi, YAP Binəqədi Rayon Təşkilatı və Binəqədi rayon Gənclər və İdman İdarəsinin təşkilatçılığı ilə Binəqədi Rayon İcra Hakimiyyəti başçısının “İctimai-siyasi, təbliğat işlərinin təşkili və ideoloji işin təkmilləşdirilməsi haqqında” 2017-ci il 2 iyun tarixli 130 №-li Sərəncamının icrasına uyğun olaraq vətəndaşların asudə vaxtlarının səmərəli təşkili məqsədilə 15 avqust 2017-ci il tarixdə Binəqədi qəsəbəsi inzibati ərazi dairəsi üzrə nümayəndəliyin ərazisində sakinlər arasında “Nərd”, “Şahmat” və “Dama” üzrə rayon birinciliyi keçirilmişdir.
Yarışın nəticəsinə görə “Nərd” idman növü üzrə Xəyyam Ağayev I, Raqif Gülüşov II, Ramiz Vəliyev III yerə; “Şahmat” idman növü üzrə Sabit Hacıyev I, Misir Abdullayev II, Orxan Qurbanov III yerə; “Dama” idman növü üzrə Şaiq Rzayev I, Firudin Xəlilov II, Elçin Əşrəfov III yerə layiq görülmüşlər.
Sonda qaliblər Binəqədi rayon Gənclər və İdman İdarəsi tərəfindən diplom və xatirə hədiyyələri ilə mükafatlandırılmışlar. Mükafatlandırma mərasimində Binəqədi rayon Gənclər və İdman İdarəsinin aparıcı məsləhətçisi Rafiq Nəsirov iştirak etmişdir.
