Binəqədi Rayon İcra Hakimiyyətində təcrübə keçən 10-cu qrup ASAN könüllüləri ilə Rayon bələdiyyəsində görüş keçirildi

 

Sentyabrın 27-də ASAN Master-2 layihəsi çərçivəsində Binəqədi Rayon İcra Hakimiyyətində təcrübə keçən 10-cu qrup ASAN könüllüləri ilə Rayon bələdiyyəsində görüş keçirildi.
Keçirilən görüşdə Rayon bələdiyyəsinin sədri Sitarə Cabbarlı, Binəqədi Rayon İcra Hakimiyyəti başçısı Aparatının İctimai-siyasi və humanitar məsələlər şöbəsinin baş məsləhətçisi Leyla Kərimova, “İctimai-humanitar” sektorunun müdir Kənan Qılıncxanov və ASAN könüllüləri iştirak etdilər.
İlk öncə ASAN könüllüləri “Heydər” məscidini ziyarət etdilər. Qafqazın ən böyük məscid kompleksi haqqında gənclərə geniş məlumat verildi və məscidlə yaxından tanışlıq oldu.
Məscidi ziyarət etdikən sonra ASAN könüllüləri Rayon bələdiyyəsinin qonağı oldu və bələdiyyənin fəaliyyəti ilə tanış oldular. Sonra onlara bələdiyyənin iş fəaliyyəti, şöbələri haqqında geniş məlumat verildi.
Daha sonra ASAN könüllüləri ilə görüş keçirildi. Görüşdə çıxış edən Rayon bələdiyyəsinin sədri Sitarə Cabbarlı bələdiyyənin fəaliyyəti, iş mexanizmi haqqında geniş məlumat verdi.
Daha sonra çıxış edən Binəqədi Rayon İcra Hakimiyyəti başçısı Aparatının İctimai-siyasi və humanitar məsələlər şöbəsinin baş məsləhətçisi Leyla Kərimova bələdiyyələrdə yaradılmış “İctimai-humanitar” sektorlar  haqqında geniş məlumat verərək bir il ərzində Binəqədi rayonunda bələdiyyələrin “İctimai-humanitar” sektorunun fəaliyyəti, həyata keçirdiyi layihələrin əhəmiyyətindən danışdı.
Sonra Rayon bələdiyyəsinin “İctimai-humanitar” sektorunun müdiri Kənan Qılıncxanov 2016-cı ilin avqust ayından yaradılan “İctimai-humanitar” sektorun həyata keçirdiyi layihələrin təqdimatını etdi.
Təqdimatdan sonra gənclərin bələdiyyə ilə bağlı təəssüratları dinlənilərək sualları cavablandırıldı.
Təqdimatdan sonra gənclərin çay süfrəsi ətrafında səmimi görüşü davam etdi.
Sonda gənclər Azadlıq prospekti boyunca görülən işlərlə tanış oldu və xatirə fotosu çəkdirildi.