Binəqədi Rayon İcra Hakimiyyətində təcrübə keçmiş 14, 15–ci qrup “ASAN könüllü”ləri ilə görüş keçirilib

12 oktyabr 2019 | 11:00

Görüşdə Binəqədi Rayon İcra Hakimiyyətinin başçısı Elxan Allahverdiyev, icra hakimiyyəti başçısının müavini Aygün Əliyeva, ictimai-siyasi və humanitar məsələlərlə iş şöbəsinin müdiri Nicat Allahverdiyev və “ASAN könüllü”ləri iştirak ediblər.
Son illərdə dövlətimizin başçısı İlham Əliyevin rəhbərliyi ölkəmizdə könüllülük fəaliyyətinin geniş vüsat aldığını qeyd edən Elxan Allahverdiyev ölkəmizdə gənclər arasında könüllülük fəaliyyətinin artıq ənənəyə çevrildiyini bildirib. Elxan Allahverdiyev ölkəmizin ev sahibliyi etdiyi irimiqyaslı tədbirlərdə könüllü fəaliyyət göstərən gənclərimizin böyük uğura imza atmalarının dövlətimizin başçısı İlham Əliyevin könüllülərin fəaliyyətinə verdiyi yüksək qiymətin bariz nümunəsi olduğunu bildirib.
Daha sonra gənclər öz təəssüratlarını bölüşərək şöbələrdə öyrəndikləri işlər haqqında ətraflı məlumat veriblər.
Sonda gənclərə sertifikatlar təqdim edilib.

Keçidlər