Binəqədi qəsəbə inzibati ərazi dairəsi üzrə nümayəndəliyinin və Binəqədi qəsəbə bələdiyyəsinin 2019-cu ilin yekunları və 2020-ci ildə qarşıda duran vəzifələrlə bağlı hesabat yığıncağı keçirildi

21 yanvar 2020 | 11:00

17 yanvar 2020-ci il tarixində Mərkəzi Mədəniyyət evinin akt zalında Binəqədi Rayon İcra Hakimiyyəti başçısının Binəqədi qəsəbə inzibati ərazi dairəsi üzrə nümayəndəliyinin və Binəqədi qəsəbə bələdiyyəsinin 2019-cu ilin yekunları və 2020-ci ildə qarşıda duran vəzifələrlə bağlı hesabat yığıncağı keçirildi.

Hesabat tədbirində Binəqədi Rayon İcra Hakimiyyəti başçısının müavini Vüsar İsmayılov, Binəqədi qəsəbə inzibati ərazi dairəsi üzrə nümayəndə Zakir Əliyev, Binəqədi qəsəbə bələdiyyəsinin sədri Aytac Əliyeva, Ərazi idarəetmə və yerli özünüidarəetmə orqanları ilə iş şöbəsinin müdiri İsgəndər Cahangir-zadə və qəsəbə sakinləri iştirak etdilər.

Hesabat tədbirini giriş nitqi ilə açan Binəqədi Rayon İcra Hakimiyyəti başçısının müavini Vüsar İsmayılov qəsəbədə görülən və görülməsi nəzərdə tutulan işlərdən danışaraq sakinləri müzakirələrdə aktiv iştirak etməyə dəvət etdi.

Daha sonra Binəqədi Rayon İcra Hakimiyyəti başçısının Binəqədi qəsəbə inzibati ərazi dairəsi üzrə nümayəndəsi Zakir Əliyev və Binəqədi qəsəbə bələdiyyəsinin sədri Aytac Əliyeva hesabat məruzəsi ilə çıxış edərək 2019-cu il ərzində qəsəbə ərazisində aparılan abadlıq quruculuq işlərindən, ictimai sahədə həyata keçirilən tədbirlərdən danışdılar, eləcədə sakinlərin diqqətinə çatdırıldı ki, qəsəbənin ən qlobal problemlərindən biri hesab edilən yeni məktəb və uşaq bağçası binasının tikilməsi məqsədilə Rayon İcra Hakimiyyətinin məqsədyönlü işinin nəticəsi olaraq qəsəbə ərazisində torpaq sahəsi ayrılmışdır. Eyni zamanda qəsəbənin bir sıra küçələrində yeni kanalizasiya xətti çəkilmiş bir neçə küçədə asfaltlanma işləri aparılmış və yeni su xətti çəkilmişdir.

Bundan əlavə məruzəçilər qəsəbə ərazisində mövcud problemlərdən bəhs edərək qəsəbənin su təchizatının yaxşılaşdırılması, fərdi yaşayış evlərinin sənədləşdirilməsi, məhəllədaxili yolların asfaltlanması, qəsəbə ərazisindən keçən magistral avtomobil yollarında tez-tez baş verən qəzaların aradan qaldırılması məqsədi ilə müvafiq nişanların və radar qurğuların quraşdırılması, qəsəbə ərazisində park salınması, küçələrin işıqlandırılması kimi tədbirlərin həyata keçirilməsinə ehtiyac olduğunu qeyd etdilər və bütün bu və digər məsələlərlə əlaqədar olaraq 2020-ci ildə qarşıya qoyulan məqsəd və vəzifələrin icrasını tam təmin etmək üçün öz qüvvə və bacarıqlarını səfərbər edəcəklərini bildirdilər.

Daha sonra qəsəbə sakinlərinin təklif və şikayətləri dinlənildi və qaldırılmış problemlərin rayonun 2020-ci ildə sosial-iqtisadi inkişaf proqramına daxil edilməsi təklif olundu.

Sonda Binəqədi Rayon İcra Hakimiyyətinin başçısının müavini Vüsar İsmayılov yekun nitqi ilə çıxış edərək tədbir iştirakçılarının diqqətinə çatdırdı ki, istər bələdiyyələrin, istərsə də icra hakimiyyəti və nümayəndəliklərinin fəaliyyyətinin əsas istiqaməti vətəndaş məmnunluğunu təmin etmək olmalıdır, bu baxımdan sakinləri narahat edən məsələlər daimi nəzarətdə saxlanmalı və icrası məqsədilə müvafiq zəruri tədbirlər həyata keçirilməlidir.

Keçidlər