Ölkədə bu günlər əsl ordu-xalq vəhdəti nümayiş etdirilir
15 iyul 2020 | 11:00
Ermənistan silahlı qüvvələri 12 iyul 2020 ci il tarixində cəbhənin Tovuz istiqamətindən növbəti dəfə atəşkəsi pozaraq hücuma keçdi. İriçaplı pulemyot və artileriya qurğuları ilə hərəkətə keçən mənfur düşmən Azərbaycan Ordusunun şücaəti və qabaqlayıcı tədbiri sayəsində çox saylı itki verərək geri çəkildi. Azərbaycanın Müdafiə Nazirliyi tərəfindən yayılmış videolarda cavab olaraq düşmən mövqelərinə güclü zərbə endirilməsi ilə qarşı tərəfin xeyli sayda canlı qüvvəsi və texnikası məhv edildiyi görünür. Azərbaycan Ordusu növbəti dəfə tarix yazdı. Düşmənin canlı qüvvəsi ilə bərabər xeyli sayda texnikasını məhv etdi. Üzülərək bildirim ki, ordumuz bu qəhrəmanlıq göstəricisində şəhidlər verdi. Şəhidlərimizin dəfn olunduğu rayonlarda hərbçilərimizin nəşi yerli əhali tərəfindən böyük hörmət və sevgi ilə qarşılanmışdır. İnsanlar mənfur düşmənə qarşı intiqam, torpaqlarımızın azad olunması üçün hərbi əməliyyatlara tam dəstək ifadə edirlər. Ölkədə bu günlər əsl ordu-xalq vəhdəti nümayiş etdirilir.
Bütün Dünya Azərbaycanlıları, qaziləri, əlilləri, gəncləri ölkə başçımız İlham Əliyevə müraciət səsləndirdi. Torpaqlarımızın,Qarabağın azadlığı üçün hər birimiz dəstək olmağa hazırıq. Bu səslənişlərə qonşu dövlət Türkiyədən qoşulub, Azərbaycan xalqının yanındayıq mesajları verildi. Türkiyə Cümhuriyyəti Ermənistan atəşkəsi pozmasını şiddətlə qınamış və hər zamankı kimi Azərbaycanın yanında yer aldığını bildirmişdir. Türkiyə xarici işlər nazirliyi təxribatdan dərhal sonra 12 iyul, No: 149 saylı bəyanatı ilə Ermənistan tərəfinin təxribatını kəskin pisləmişdir.
Biz Qarabağlılar, Xocalılar, eləcədə "Xocalı Soyqırımını Tanıtma"ictimai birliyi olaraq Dövlətimizin hər zaman yanındayıq. Allah Ordumuza güc, qüvvət və əzm versin. İnanırıq ki, tezliklə bayraqlarımız işğal altında olan şəhər, kənd və uca dağlarında dalğalanacaq.
Allahdan şəhidlərimizə rəhmət, ailələrinə səbr diləyirik.
YAŞASIN AZƏRBAYCAN ORDUSU!
Keçidlər
