Ümummilli lider Heydər Əliyevin anadan olmasının 98-ci ildönümü münasibəti ilə Binəqədi rayonunda ağacəkmə aksiyası keçirilmişdir

10 may 2021 | 11:00

Yeni Azərbaycan Partiyası, Ekologiya və Təbii Sərvətlər Nazirliyi və Binəqədi Rayon İcra Hakimiyyətinin birgə təşkilatçılığı ilə ümummilli lider Heydər Əliyevin anadan olmasının 98-ci ildönümü münasibəti ilə Binəqədi rayonu Xocasən qəsəbəsinin ərazisində ağacəkmə aksiyası keçirilmişdir.

Aksiyada Yeni Azərbaycan Partiyası sədrinin müavini - Mərkəzi Aparatın rəhbəri Tahir Budaqov, Ekologiya və Təbii Sərvətlər naziri Muxtar Babayev, Milli Məclisin Təbii Ehtiyatlar, Energetika və Ekologiya Komitəsinin sədri Sadiq Qurbanov, Binəqədi Rayon İcra Hakimiyyətinin başçısı Elxan Allahverdiyev, YAP Mərkəzi Aparatının, ETSN-nin və Binəqədi RİH-nin əməkdaşları, partiyanın Gənclər Birliyinin üzvləri iştirak ediblər.

Bu tədbir Yeni Azərbaycan Partiyası fəallarının ölkəmizdə həyata keçirilən yaşıllaşdırma aksiyasına növbəti töhfəsidir. Gələcəkdə də bu cür aksiyaların davamlı olacağı nəzərdə tutulmuşdur. Müasir, müstəqil Azərbaycan dövlətinin qurucusu, Yeni Azərbaycan Partiyasının yaradıcısı, ulu öndər Heydər Əliyev ölkəmizə rəhbərlik etdiyi bütün dövrlərdə ətraf mühitin mühafizəsinə, ekoloji vəziyyətin qorunmasına, yaşıllıqların və parkların salınmasına xüsusi diqqət yetirmişdir. Yeni Azərbaycan Partiyası da Ulu Öndərimiz tərəfindən qoyulan bu ənənəni layiqincə davam etdirməkdədir.

Qeyd edək ki, ağacəkmə aksiyası çərçivəsində 850 ağac əkilib.

http://www.yap.org.az/az/view/news/51347/umummilli-lider-heyder-eliyevin-anadan-olmasinin-98-ci-ildonumu-munasibetile-agacekme-aksiyasi-kechirilib

https://azertag.az/xeber/Umummilli_lider_Heyder_Aliyevin_anadan_olmasinin_98_ci_ildonumu_munasibetile_agacekme_aksiyasi_kechirilib-1777441

https://sesqazeti.az/news/news/869072.html

https://rezonanspress.az/az/mummilli-lider-heyder-eliyevin-anadan-olmasinin-98-ci-ildnumu-munasibetile-aacekme-aksiyasi-kecirilib/

https://xeber.media/news/16586787/umummilli-lider-heyder-eliyevin-anadan-olmasinin-98-ci-ildonumu-munasibetile-agacekme-aksiyasi-kecirilib