Binəqədi Rayon İcra Hakimiyyətinin başçısı aparatının əməkdaşları Respublikamızda həyata keçirilən Vaksinasiya Strategiyasına uyğun olaraq, “COVİD-19” əleyhinə 1-ci doza peyvənd olundular.
“Azərbaycan Respublikasında COVID-19 xəstəliyi əleyhinə 2021-2022-ci illər üçün Vaksinasiya Strategiyası”na uyğun olaraq, vaksinasiya prosesi uğurla davam etdirilir.
Ölkəmizdə yanvarın 18-dən etibarən koronavirusa qarşı başlanılan peyvəndləmənin könüllü olmasına baxmayaraq, vətəndaşların prosesdə aktiv iştirakı ən qısa zamanda normal həyata qayıtmağımızın təminatı ola bilər. Dövlət tərəfindən həyata keçirilən bu tədbirlərin əhalinin infeksiyadan xilas olması üçün düşünüldüyünü nəzərə alaraq, bizim üçün yaradılan bu unikal şansdan maksimum faydalanıb, əvvəlki günlərimizə qaldığımız yerdən davam edə bilərik.
Bu gün Binəqədi Rayon İcra Hakimiyyəti başçısının müavini Sevinc Süleymanova, Rayon İcra Hakimiyyəti başçısı Aparatının şöbə müdirləri və aparatın əməkdaşları “COVİD-19” əleyhinə 1-ci doza peyvənd olundular.
