Binəqədi Rayon İcra Hakimiyyətinin təşkilatçılığı ilə “14 İyun-Məzun Gününə”həsr edilmiş onlayn tədbir

Binəqədi Rayon İcra Hakimiyyəti, Yeni Azərbaycan Partiyası Binəqədi Rayon Təşkilatı, Binəqədi Rayon Gənclər və İdman İdarəsinin və “Binəqədi Gənclər Evi” sosial xidmət müəssisəsinin birgə  təşkilatçılığı ilə “14 İyun-Orta Ümumtəhsil müəssisəslərində son zəng” gününə həsr edilmiş onlayn tədbir keçirilmişdir.

Tədbirdə Binəqədi Rayon İcra Hakimiyyəti Başçısının müavini Sevinc Süleymanova, Yeni Azərbaycan Partiyası Binəqədi Rayon təşkilatının sədri Ramiz Göyüşov, Binəqədi Rayon İcra Hakimiyyəti İctimai-siyasi və humanitar məsələlər şöbəsinin müdiri Nicat Allahverdiyev, Binəqədi Rayon İcra Hakimiyyəti İctimai-siyasi və humanitar məsələlər şöbəsinin baş məsləhətçisi Amal Əsgərov, orta ümumtəhsil müəssisələinin direktorları, müəllimlər və şagirdlər iştirak edirdilər.

Tədbirdə vətənimizin azadlığı, müstəqilliyi, ərazi bütövlüyü uğrunda canından keçmiş şəhidlərimizin əziz xatirəsi bir dəqiqəlik sükutla yad edildikdən sonra tədbiri giriş nitqi ilə açıq elan edən Binəqədi Rayon İcra Hakimiyyəti Başçısı aparatının İctimai-Siyasi və Humanitar Məsələlər şöbəsinin baş məsləhətçisi Amal Əsgərov 2020-2021-ci tədris ili ərzində Binəqədi rayonu ərazisində fəaliyyət göstərən orta ümumtəhsil məktəblərinin əldə etdiyi uğurlar haqqında iştirakçılara ətraflı məlumat verdi.

Tədbirdə çıxış edən Binəqədi Rayonu İcra Hakimiyyəti Başçısının müavini Sevinc Sülymanova bütün məzunlara uğurlar arzu edərək onların ölkəmizə və vətənimizə layiqli vətəndaş olacaqlarına əmin olduğunu qeyd etdi.

Daha sonra çıxış edən Yeni Azərbaycan Partiyası Binəqədi Rayon təşkilatının sədri Ramiz Göyüşov bu gün məzun olan şagirdlərin Azərbaycanın gələcəyi olduğunu və bu gələcəyi onların təyin edəcəyini bildirdi.

Daha sonra çıxış edən Binəqədi rayonu, 297 saylı tam orta məktəbin direktoru, əməkdar müəllim Nazir Əliyev hər bir məzunun Azərbaycan üçün dəyərli və əvəzolunmaz olduğunu qeyd edərək həyatlarının yeni mərhələsində onlara uğurlar arzu etdi. Orta məktəb müəllimləri adından Binəqədi rayonu 244 saylı tam orta məktəbin Coğrafiya müəllimi Yaşar Allahverdiyev bütün məzunları təbrik edərək onlara gələcək həyat və fəaliyyətlərində uğurlar arzu etdi. Orta məktəb məzunları adından Binəqədi rayonu 244 saylı tam orta məktəbin 11-ci sinif şagirdi Murad Xəlilli və Binəqədi rayonu 284 saylı tam orta məktəbin şagirdi Gülay Nəzərli göstərilən diqqət və qayğıya görə təşkilatçılara təşəkkür etdi.

Tədbir 6 saylı Uşaq və Gənclərin Yaradıcılıq və İnkişafı mərkəzinin ansamblı tərəfindən təşkil edilən bədii kompozisiya ilə davam etdi.