Binəqədi rayonunda "Gənclər həftəsi"nin ikinci günü gənclər arasında BOULİNQ turniri keçirilmişdir.

Gənclər həftəsinin ikinci günü gənclər arasında BOULİNQ turniri keçirilmişdir.

2 Fevral – “Azərbaycan Gəncləri Günü”nün təsis edilməsinin 25 illiyi münasibətilə elan olunmuş “Gənclər həftəsi” çərçivəsində 28 yanvar 2022-ci il tarixdə Binəqədi Rayon İcra Hakimiyyətinin dəstəyi, Yeni Azərbaycan Partiyası Binəqədi Rayon Təşkilatı, Binəqədi Rayon Gənclər və İdman İdarəsi və “Binəqədi Gənclər Evi” sosial xidmət müəssisəsinin birgə təşkilatçılığı ilə "Elit" Ticarət və Əyləncə Mərkəzində gənclər arasında Boulinq turniri keçirilmişdir. Qeyd edirik ki, turnirə şəhid ailələrinin üzvləri də dəvət olunmuşdur.

Boilinq turniri üzrə mübarizə aparan komandalar arasında “Qarabağ” komandası I yer, “Şuşa” komandası II yer, “Zəfər” komandası isə III yeri tutmuşdur.

Turnirin mükafatlandırma mərasimində Binəqədi Rayon İcra Hakimiyyətinin İctimai-siyasi və humanitar məsələlər şöbəsi müdirinin müavini – dini qurumlarla işin təşkilatçısı Elnur Məmmədov, Yeni Azərbaycan Partiyası Binəqədi Rayon Təşkilatının aparat rəhbəri Sevinc Abdullayeva, Binəqədi rayon Gənclər və İdman İdarəsinin rəisi Namiq Tarverdiyev, “Binəqədi Gənclər Evi” sosial xidmət müəssisəsinin direktoru Zeynal Rəşidli iştirak etmişdir.

Tədbirdə çıxış edən qonaqlar bildirmişlər ki, Azərbaycan Gəncləri Günü gənclərə həmişə böyük diqqət və qayğı ilə yanaşan, onların problemlərinin həlli istiqamətində həyata keçirilən tədbirlərə xüsusi önəm verən, bu siyasəti fəaliyyətinin ən mühüm istiqamətlərindən biri kimi dəyərləndirən ulu öndər Heydər Əliyevin adı ilə bağlıdır. Bu gün ölkəmizdə gənclər siyasəti mahiyyət və keyfiyyətcə yeni mərhələsini yaşayır. Azərbaycan Respublikasının Prezident cənab İlham Əliyev Ulu Öndərin gənclər siyasətinə sadiqliyini öz qərarları ilə təsdiq edir. Ulu öndər Heydər Əliyevin gənclər siyasətindən, ardıcıl olaraq keçirilən Gənclər Forumlarının əhəmiyyətindən söz açılmış və dövlət gənclər siyasətinin uğurla icra olunduğunu, ölkəmizdə böyük qüvvə olan gənclərin hazırda dövlətimizin və birbaşa prezidentimiz cənab İlham Əliyevin diqqət və qayğısı ilə əhatə olunduğu diqqətə çatdırılmışlar.

Sonda qalib gələn komandalar müvafiq dərəcəli diplomlarla mükafatlandırılmışdır.