1 nömrəli sahə inzibati ərazi dairəsi üzrə nümayəndəliyin 2013-cü ilin yekunları ilə bağlı hesabat yığıncağı keçirildi
2014-cü il yanvarın 28-də Binəqədi Rayon İcra Hakimiyyəti başçısının 1 nömrəli sahə inzibati ərazi dairəsi üzrə nümayəndəliyin 2013-cü ilin yekunları ilə bağlı hesabat yığıncağı keçirildi.
Yığıncaqda 1 nömrəli sahə inzibati ərazi dairəsi üzrə nümayəndə Nəsimi Cəfərov hesabatla çıxış etdi. Sonra hesabat ətrafında müzakirələr oldu.
Mikrorayon sakinlərindən Muxtar Niftiyev, Tünzalə Mürsəlova, Şövqi Nuriyev və Nizami Novruzov çıxış edərək, Rayon İcra Hakimiyyəti başçısının mikrorayon ərazisində apardığı abadlı-quruculuq işlərinə görə minnətdarlıqlarını bildirərək, mikrorayonda bəzi sosial məsələlərin həllinə köməklik göstərilməsini xahiş etdilər.
Hesabat yığıncağında Binəqədi Rayon İcra Hakimiyyəti başçısının müavini Aygün Əliyeva nümayəndəliyin 2013-cü ildə gördüyü işlərə münasibət bildirərək ümumilikdə nümayəndəliyin fəaliyyətini müsbət qiymətləndirib, bununla belə bəzi nöqsan və çatışmazlıqların olduğunu qeyd etdi.
Daha sonra A.Əliyeva cari ildə qəsəbənin sosial-iqtisadi inkişafında görüləcək tədbirlərdən danışdı.
Hesabat yığıncağının yekununda müvafiq qərar qəbul olundu.
