Binəqədi rayonunda“Mini futbol” birinciliyinə yekun vuruldu

16 avqust 2014 | 10:00

16 avqust 2014-cü il tarixdə “Bakı-2015” İlk Avropa Oyunlarına hazırlıq məqsədilə Binəqədi Rayon İcra Hakimiyyəti tərəfindən start verilmiş “Təmiz Binəqədi” layihəsi çərçivəsində həyata keçirilən 1999-2000-ci il təvəllüdlü yeniyetmə və gənclər arasında “Mini futbol” birinciliyinin final oyunu keçirildi.
Final qarşılaşmasında 1 saylı Sahə inzibati ərazi dairəsi və 2 saylı Sahə inzibati ərazi dairəsinin komandaları birincilik uğrunda mübarizə apardılar. Gərgin keçən oyunun nəticəsində 1 saylı Sahə inzibati ərazi dairəsinin komandası I yeri qazandı.
II yeri 2 saylı Sahə inzibati ərazi dairəsinin komandası, III yeri isə Biləcəri qəsəbəsinin komandasılayiq görüldü.
Mükafatlandırma mərasimində Binəqədi rayon Gənclər və İdman İdarəsinin rəisi Qüdsi Bayramov çıxış edərək qalib komandaları təbrik etdi. Bildirdi ki, “Bakı-2015” İlk Avropa Oyunları ərəfəsində start götürmüş “Təmiz Binəqədi” layihəsi çərçivəsində həyata keçirilən idman tədbirləri gənc nəslin sağlamlığının qorunması və asudə vaxtlarının səmərəli təşkil olunmasına xidmət edir. Sevindirici haldır ki, bu cür tədbirlərin keçirilməsi rayon sakinləri tərəfindən məmnunluqla qarşılanır.
Sonra Bakı şəhər Gənclər və İdman Baş İdarəsinin Kütləvi bədən tərbiyəsi sektorunun baş məsləhətçisi Salman Əbdülov çıxış edərək idmançıları təbrik etdi, onlara gələcək yarışlarda uğurlar arzuladı.
Sonda qaliblər kubok, diplom və xatirə hədiyyələri ilə mükafatlandırıldılar.

Keçidlər