Binəqədi rayonunda 12 Avqust Beynəlxalq Gənclər Günü qeyd edildi
14 avqust 2015 | 10:00
12 avqust tarixində Beynəlxalq Gənclər Günü çərçivəsində Gənclərin Təşəbbüs Qrupunun təşkilatçılığı ilə Binəqədi gəncləri vətənin azadlığı uğrunda şəhid olmuş qəhrəmanların xatirəsini yad etdi. İlk öncə rayon ərazisində vətənin azadlığı uğrunda şəhid olmuş qəhrəmanların abidələri təmizləndi, abidələrin ətrafında iməcilik işləri aparıldı, büst və barelyeflərin önünə gül dəstələri qoyuldu. Biləcəri qəsəbəsindən başlayan aksiya bütün rayon ərazisini əhatə edərək M. Ə. Rəsulzadə qəsəbəsində yekunlaşdı.
Günün ikinci yarısında gənclər rayon ərazisində bir neçə şəhid ailəsini ziyarət etdi. 4-5 nəfərlik qruplara bölünən gənclər öz bayramlarını – Beynəlxalq Gənclər Gününü ziyarət etdikləri ailələrlə birgə qeyd etdi.
Keçidlər
