Binəqədi rayonunda 20 Yanvar faciəsində şəhid olmuş Rüstəm Əliyevin xatirəsinin yad edildi
Vətən, torpaq uğrunda canından keçənlər, özlərini fəda edənlər ölmürlər. Aylar, illər, fəsillər keçdikcə, onların göstərdikləri igidliklər dillərdə gəzir, nəsillərdən-nəsillərə ötürülür. Beləliklə, xalq öz igid, qəhrəman övladlarına qəlbində əbədi heykəl ucaldır. Ən yeni tariximizin qanlı səhifəsi olan 20 Yanvar hadisələri zamanı şəhid olanlar da hər zaman qəlbimizdə yaşayırlar. Hər il olduğu kimi bu ildə 20 Yanvar faciəsi ilə bağlı Binəqədi rayonunda tədbirlər silsiləsinə start verildi.
Belə ki, 14 yanvar tarixində 20 Yanvar Cəmiyyətinin sədri Ağarza Xankişiyev, 3 saylı məktəbin direktoru Natəvan Əsədova və məktəbin kollektivi Binəqədi rayon 3 nömrəli tam orta məktəbin məzunu və 20 Yanvar faciəsi zamanı şəhidi olan Rüstəm Əliyevin evində oldular və ailə üzvləri ilə birlikdə onun əziz xatirəsini yad etdilər.
Şəhidin ailəsi göstərdikləri diqqətə görə ölkə və rayon rəhbərliyinə təşəkkürünü bildirdi.
