Binəqədi Rayon İcra Hakimiyyəti başçısının 6-cı və 9-cu mikrorayon sakinləri ilə növbəti səyyar qəbulu keçirildi.
12 may 2022-ci il tarixində 157 nömrəli tam orta məktəbdə Binəqədi Rayon İcra Hakimiyyətinin başçısının 2 saylı sahə inzibati ərazi dairəsi üzrə sakinlərlə səyyar qəbulu keçirildi.
Görüşdə YAP Binəqədi rayon təşkilatının sədri Vüsar İsmayılov, Rayon İcra Hakimiyyəti başçısının müavinləri və Aparatın məsul şəxsləri, bələdiyyə və qəsəbə inzibati ərazi dairəsi üzrə nümayəndəliyin əməkdaşları, xidmət sahələrinin rəhbərləri iştirak edirdilər.
Görüşdə iştirak edən rayon sakinləri görülmüş işlərlə bağlı ölkə başçısına öz təşəkkürlərini bildirdilər. Rayon İcra Hakimiyyəti başçısı ölkə rəhbərinin tapşırıq və tövsiyələri əsasında respublikamızda aparılan sosial-iqtisadi islahatlar, əhalinin rifah halının yüksəlməsi istiqamətində görülən işlər barədə məlumat verərək, görüşdə iştirak edən sakinlərin yaşayış binasındakı liftin yenilənməsi, yaşayış binalarının qarşısının abadlaşdırılması və quru ağacların budanması, vətəndaşın işlə təmin olunmasına və ev növbəsinə götürülməsinə köməklik edilməsi ilə bağlı müraciətlərini dinlədikdən sonra qaldırılan məsələlərin həlli istiqamətində müvafiq tədbirlərin görülməsi ilə əlaqədar aidiyyəti qurumlara müvafiq tapşırıqlar verdi.
