Binəqədi Rayon İcra Hakimiyyətinin təşkilatçılığı ilə Qarabağ müharibəsi şəhidi, Azərbaycanın Milli Qəhrəmanı Fərhad Hümbətovun Binəqədi rayonu ərazisində yerləşən büstü qarşısında xatirəsi yad edilmişdir.
01 aprel 2022-ci il tarixində Binəqədi Rayon İcra Hakimiyyətinin təşkilatçılığı ilə Qarabağ müharibəsi şəhidi, Azərbaycanın Milli Qəhrəmanı Fərhad Hümbətovun Binəqədi rayonu ərazisində yerləşən büstü qarşısında xatirəsi yad edilmişdir.
Tədbirdə şəhidin anası - Salatın ana, ailə üzvləri, Binəqədi Rayon İcra Hakimiyyəti başçısının müavini Sevinc Süleymanova, YAP Binəqədi Rayon Təşkilatının sədr müavini Sevinc Abdullayeva, Binəqədi Rayon İcra Hakimiyyəti başçısı Aparatının Ərazi idarəetmə və yerli özünüidarəetmə orqanları ilə iş şöbəsinin müdiri İsgəndər Cahangir-zadə, Binəqədi Rayon Gənclər və İdman İdarəsinin rəisi Namiq Tarverdiyev, "Binəqədi Gənclər Evi" sosial xidmət müəssisəsinin direktoru Günel Həsənova, Bələdiyyə, Qeyri Hökumət Təşkilatları və İctimai Birliklərin sədrləri, Binəqədi rayonu ərazisində fəaliyyət göstərən orta ümumtəhsil məktəblərinin rəhbər, müəllim və şagird kollektivi iştirak edirdilər. Tədbirdə çıxış edən Rayon İcra Hakimiyyəti başçısının müavini Sevinc Süleymanova Fərhad Hümbətovun xatirəsinin hər zaman qəlbimizdə yaşadığını bu gün yaşadığımız müstəqil və azad ölkəni məzh onun kimi qəhrəmanlara borclu olduğumuzu qeyd edərək Fərhad Hümbətovun həyat və fəaliyyəti haqqında iştirakçılara məlumat verdi. Azərbaycan xalqının və ordusunun 44 günlük Vətən Müharibəsində göstərdiyi misilsiz qəhrəmanlıqları ilə xalq dövlət birliyinin nələrə qadir olduğunun sübuta yetirildiyini qeyd etdi. Azərbaycan xalqının hər zaman olduğu kimi bundan sonra da Müzəffər Ali Baş Komandan ətrafında sıx birləşdiyini bildirdi. Daha sonra çıxış edən Salatın Hümbətova hər bir şəhidimizin qəhrəman olduğunu onların əziz xatirəsinin hər zaman uca tutulduğun qeyd edərək, şəhid ailələrinə göstərilən xüsusi diqqət və qayğıya görə Azərbaycan Respublikasının Prezidentinə xüsusi təşəkkürünü bildirdi.
Tədbir 6 saylı Uşaq və Gənclərin İnkişafı Mərkəzinin dərnək üzvlərinin hazırladığı şeir kompozisiyası ilə davam etdi.
