Binəqədi rayonunda gənc sahibkarlarla və startapçılarla görüş keçirildi
20 may 2024-cü il tarixində Binəqədi Rayon İcra Hakimiyyətində rayonda fəaliyyət göstərən gənc sahibkarlar və startapçılarla görüş keçirildi.
Tədbirdə Binəqədi Rayon İcra Hakimiyyəti başçısının birinci müavini Hacıbaba Babayev, Bakı Regional Məşğulluq Mərkəzinin nümayəndəsi Fərid Əliyev, KOBİA nümayəndəsi Fariz Bağırov, gənc sahibkarlar və startapçılar o cümlədən "CAMAL" LTD şirkətinin, "Bakı Tekstil Fabriki" MMC-nin və digər müəssisələrin nümayəndələri iştirak etdilər.
Tədbirdə Azərbaycan Respublikasının Prezidenti İlham Əliyevin 29 yanvar 2019-ci il tarixli, 500 nömrəli Fərmani ilə təsdiq edilmiş “Azərbaycan Respublikası regionlarının 2019–2023-cü illərdə sosial-iqtisadi inkişafı Dövlət Proqramı”nın 7.1.36 bəndinə əsasən gənclərin və qadınların regional inkişafda rolunun artırılması məqsədi ilə gənc sahibkarların və startapçıların inkişafı, onların bilik və bacarıqlarının formalaşdırılması ilə bağlı suallar geniş müzakirə olunmuş, gənc sahibkarları narahat edən məsələlərdən danışılmışdır.
Belə görüşlərin davamlı şəkildə keçirilməsi nəzərdə tutulur.
