Binəqədi rayonunda növbəti iməcilik işləri həyata keçirildi
Bakı şəhərində təşkil edilən növbəti genişmiqyaslı daxili ümumşəhər iməciliyi çərçivəsində Binəqədi rayonu ərazisində ətraf mühitin mühafizəsinə töhfə vermək, yaşıllıq zolaqlarının daha da genişləndirilməsi, qulluq göstərilməsi məqsədilə 26 oktyabr 2024-cü il tarixində növbəti iməcilik işləri keçirilmişdir.
İməcilikdə rayonun kommunal xidmətləri tərəfindən təmizlik işləri aparılmış, prospekt və küçələrdə yollar, bina fasadları, vitrinlər, işıq dirəkləri, yol kənarındakı məhəccərlər, məişət tullantıları konteynerlərinin ətrafı yuyulmuş, yaşıllıq zolaqlarında və hasarlanmış ərazilərdə yanğın hadisələrinin qarşısının alınması məqsədilə qabaqlayıcı tədbirlər görülmüşdür. Otlaq və digər yanğına həssas tullantılar ərazilərdən təmizlənib çıxarılmış, səliqə-səhman işləri aparılmışdır.
Rayon ərazisində təmizlik və abadlıq işləri mütəmadi olaraq davam edir.
