Binəqədi Tibb Mərkəzində “Talassemiyasız həyat naminə” proqramı çərçivəsində qanvermə aksiyası keçirildi
10 oktyabr 2025-ci il tarixində Binəqədi Rayon İcra Hakimiyyəti və ”Respublika Qan Bankı” publik hüquqi şəxsin təşkilatçılığı ilə Ə.D.Məlikov adına Binəqədi Tibb Mərkəzində “Talassemiyasız həyat naminə” proqramı çərçivəsində qanvermə aksiyası keçirildi.
Aksiyanın keçirilməsində məqsəd talassemiya və irsi qan xəstəliyindən əziyyət çəkən vətəndaşların, eləcə də qana ehtiyacı olan digər xəstələrin qan ehtiyaclarının təmin olunmasına könüllü olaraq dəstək göstərməkdir.
Bu nəcib aksiyada Rayon İcra Hakimiyyəti başçısı Aparatının əməkdaşları, Rayon Polis İdarəsinin, Mənzil-Kommunal Təsərrüfat Birliyinin, rayonda fəaliyyət göstərən məktəbəqədər və orta ümumtəhsil müəssisələrinin, bələdiyyələrin, dövlət və özəl qurumların kollektivləri, İctimai birliklərin üzvləri, gənclər könüllü olaraq iştirak etdilər.
Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban xanım Əliyevanın təşəbbüsü ilə talassemiyadan əziyyət çəkən uşaqlara dəstək olmaq məqsədilə “Talassemiyasız həyat naminə” proqram çərçivəsində Binəqədi rayonunda baş tutan könüllü qanvermə aksiyasında Mərkəzi Qan Bankının tibbi briqadasının həkim-hemotoloqları tərəfindən hər bir donorun sağlamlığı öncədən müəyyən olundu. Aksiyada yığılan qan ehtiyatı yoxlanılaraq talassemiya, hemofiliya və digər qan xəstəliklərindən əziyyət çəkən insanlar üçün istifadə olunacaq.
