M.Maqomayev adına 26 nömrəli Onbirillik Musiqi Məktəbində "Zəfər Günü"nə həsr olunmuş tədbir keçirildi
06 noyabr 2024-cü il tarixində M.Maqomayev adına 26 nömrəli Onbirillik Musiqi Məktəbində "Zəfər Günü"nə həsr olunmuş tədbir keçirildi.
Tədbirdə Binəqədi Rayon İcra Hakimiyyəti başçısının müavini Sevinc Süleymanova, Rayon İcra Hakimiyyəti başçısı Aparatının İctimai-siyasi və humanitar məsələlər şöbəsinin baş məsləhətçisi İlqar Pənahov, M.Maqomayev adına 26 nömrəli Onbirillik Musiqi Məktəbinin direktoru Gülşən Quliyeva, məktəbin müəllim və şagird kollektivi iştirak etdilər.
Tədbir Azərbaycan Respublikasının Dövlət Himninin səslənməsi və canlarını torpaqlarımızın ərazi bütövlüyü, suverenliyi uğrunda qurban vermiş şəhidlərimizin əziz xatirəsinin bir dəqiqəlik sükutla yad edilməsi ilə başladı.
Tədbirdə çıxış edən Binəqədi Rayon İcra Hakimiyyəti başçısının müavini Sevinc Süleymanova 8 Noyabr - Zəfər Günü münasibətilə tədbir iştirakçılarını təbrik edərək qeyd etdi ki, Müzəffər Ali Baş Komandan cənab İlham Əliyevin müdrik rəhbərliyi, böyük siyasi iradəsi, möhtəşəm diplomatik addımları ilə Azərbaycan Silahlı Qüvvələrinin Vətən müharibəsində böyük Qələbə qazanması və ölkəmizin ərazi bütövlüyünün, suverenliyinin təmin edilməsi müasir tariximizin ən parlaq və şanlı səhifəsidir. Rəşadətli Azərbaycan Ordusunun igid əsgər və zabitləri öz canları, qanları bahasına düşmən üzərində tam və qəti Qələbə qazanmaqla dünyanın hərb tarixinə yeni qəhrəmanlıq salnaməsi yazdılar. Bu möhtəşəm Qələbə sevincini bizə yaşadan rəşadətli Azərbaycan Ordusunun hər bir zabit və əsgər heyətinə, qazilərimizə minnətdarıq.
Tədbirdə məktəbin müəllim və şagirdlərinin iştirakı ilə Ü.Hacıbəylinin “Koroğlu” operasından üverturası, E.Sabitoğlunun “Azərbaycan”, F.Əmirovun “Azərbaycan elləri”, Ü.Hacıbəylinin “Çırpınırdı qara dəniz”, Borodinin “Xəyallar”, T.Quliyevin “Sevinc” mahnısı, “Prelüd N-1”, “Bağçamız” Ögey ana kino filmindən, “Xanları” rəqsi – duet, E.Sabitoğlunun “Od ürəkli Azərbaycan” əsərləri, məktəbin müəllimlərindən ibarət instrumental ansamblın çıxışı ilə A.Səmədzadənin “Azərbaycan” mahnısı, “Zəfərim Azərbaycan” mahnısı, “Qəhrəmanlar” mahnısı, C.Cahangirovun “Yenilməz batalyon” filmindən Teymurun mahnısı, “Xarıbülbülün nəğməsi”, ”Zəfərin mübarək”, “Azərbaycan yurdum mənim” şeirləri uğurla səsləndi.
