Səyavuş İmranovdan, Bakı şəhəri Binəqədi rayonu, 15 sentyabr 2022-ci il
Hörmətli cənab Prezident.
Sizin qətiyyətiniz, uzaqgörən siyasətiniz, Ali Baş Komandan kimi mahir sərkərdəlik bacarığınız sayəsində Vətən müharibəsində Qələbə qazandıq, doğma Qarabağımız işğaldan azad olundu, ölkəmizin ərazi bütövlüyü bərpa edildi.
Mən həm I Qarabağ, həm də 44 günlük Vətən müharibəsi iştirakçısıyam. Torpaqlarımızın qarış-qarış işğaldan azad olunmasının, şəhidlərimizin qanı bahasına Vətənə çevrilməsinin şahidiyəm. Zəfər tariximizdə mənim də payımın olması mənə bir ömürlük xoşbəxtlik hissləri bəxş edib.
Cənab Ali Baş Komandan, müharibə əlillərinə və şəhid ailələrinə göstərdiyiniz diqqət və qayğıya görə Sizə minnətdaram. Azərbaycan xalqının rifahı naminə gördüyünüz işlərdə Sizə yeni-yeni uğurlar arzulayıram.
Hörmətlə,
İmranov Səyavuş Saleh oğlu
III qrup Qarabağ əlili
Azərbaycan Respublikası, Bakı şəhəri, Binəqədi rayonu, Xocasən qəsəbəsi
