Azərbaycan Respublikası Gənclər və İdman Nazirliyinin yaradılmasının 25-ci ildönümü münasibətilə gənclər arasında “ABAD məhəllə kuboku” uğrunda futbol turniri keçirilib

18 iyul 2019 | 11:00

Azərbaycan Respublikası Gənclər və İdman Nazirliyinin yaradılmasının 25-ci ildönümü münasibətilə 18 iyul 2019-cu il tarixində Binəqədi rayonu, İ.Həşimov küçəsi, 8 ünvanında yerləşən “ABAD” məhəllədə gənclər arasında “ABAD məhəllə kuboku” uğrunda futbol turniri keçirilmişdir.
Binəqədi Rayon İcra Hakimiyyəti, Yeni Azərbaycan Partiyası Binəqədi Rayon Təşkilatı və Binəqədi rayon Gənclər və İdman İdarəsinin birgə təşkilatçılığı ilə keçirilən turnirdə I yeri “Kubinka” komandası, II yeri “Binəqədi Gənclər Evi” komandası, III yeri “Nəsimi” komandası tutmuşdur.
Qaliblərin mükafatlandırılması mərasimində YAP Binəqədi Rayon Təşkilatının sədri Ramiz Göyüşov, Binəqədi rayon Gənclər və İdman İdarəsinin rəisi Rauf Həsənov, Binəqədi Rayon İcra Hakimiyyətinin İctimai-siyasi və humanitar məsələlər şöbəsinin baş məsləhətçisi İlqar Pənahov, Binəqədi bələdiyyəsinin nümayəndəsi Vüqar Babayev, Binəqədi Gənclər Evinin könüllüləri iştirak etmişlər.

Keçidlər