Yanğın təhlükəsi ilə üzləşməmək üçün təhlükəsizlik qaydaları
Hörmətli sakinlərimiz, dəyərli səhifə izləyiciləri! Hər birinizi Fövqəladə Hallar Nazirliyi tərəfindən Novruz bayramı ilə əlaqədar yanğın təhlükəsizliyinə dair təlimatlara riayət etməyinizi xahiş edirik.
Xalqımızın milli-mənəvi dəyərlərini özündə yaşadan Novruz bayramı zamanı hər birimizin arzusudur ki, bayram şənlikləri ən xoş duyğularla yaddaşlarımıza həkk olunsun. Bunun üçün isə Novruz bayramı ilə əlaqədar keçirilən müxtəlif mərasimlərdə yanğın təhlükəsi ilə üzləşməmək üçün bir sıra təhlükəsizlik qaydalarına, o cümlədən yanğın təhlükəsizliyi ilə bağlı bütün tələblərə ciddi əməl olunmalıdır:
• bayram tonqalının ətrafına yığışan azyaşlılar mütləq böyüklərin nəzarətində olmalıdır;
• tonqal elektrik naqili, ağac, avtomobil, ev və digər yanar materiallardan kənarda yandırılmalıdır;
• tonqal tam sönənədək nəzarətdə saxlanılmalıdır;
• tonqal üzərindən atılarkən ehtiyatsızlıq geyimin alışmasına, bədənin xəsarət almasına səbəb ola bilər;
• yandırılan şamlar nəzarətsiz qalmamalıdır.
Unutmayın: Qaydalara biganəlik - həyatımıza təhlükədir!
Təhlükə zamanı 112-yə zəng edin!
https://www.facebook.com/bineqedirayonu.1/videos/2501501303287121
