Ölkə başçısı cənab İlham Əliyevin 01-13 May 2020-ci il tarixlərində keçirdiyi görüşlər, iştirak etdiyi tədbirlər, imzaladığı fərman və sərəncamlar barədə “Məlumat saatı” formatında videomüşavirə

    14.05.2020-ci il tarixində Binəqədi rayonunda, ölkə başçısı cənab İlham Əliyevin 01-13 May 2020-ci il tarixlərində keçirdiyi görüşlər, iştirak etdiyi tədbirlər, imzaladığı fərman və sərəncamlar barədə “Məlumat saatı” formatında videomüşavirə keçirilib.

    Müşavirədə Rayon İcra Hakimiyyəti başçısı Elxan Allahverdiyev, RİH başçısının müavinləri, Aparatın şöbə müdirləri, Rayon İcra Hakimiyyəti başçısının qəsəbə və sahə inzibati ərazi dairələri üzrə nümayəndələri iştirak edib.

     Açılış nitqi ilə çıxış edən Binəqədi Rayon İcra Hakimiyyətinin başçısı Elxan Allahverdiyev Azərbaycan Respublikasının Prezidenti cənab İlham Əliyevin gərgin fəaliyyətinin təzahürü olaraq ölkəmizdə koronavirus (COVİD 19) pandemiyasına qarşı aparılan mübarizənin öz bəhrəsini verdiyini bildirdi. Natiq pandemiya dövründə bir çox ölkələrdə iqtisadi böhranın yarandığına baxmayaraq, respublikamızda heç bir sosial layihənin dayandırılmadığını, cənab İlham Əliyevin göstərişi ilə aztəminatlı ailələrə dövlət qayğısının davam etdirildiyini qeyd etdi. E.Allahverdiyev son günlərdə vəzifə səlahiyyətlərindən öz mənafelərinə uyğun istifadə edən şəxslərin qanunla cəzalandırılmasının ölkə başçısının qarşıya qoyduğu tapşırıqların icrasında hər bir məmurun vəzifə səlahiyyətlərinin icrasına şəffaf yanaşmalı olduğunun sübutu olduğunu bildirdi. Elxan Allahverdiyev qeyd etdi ki, cənab Prezidentin ölkənin ictimai-siyasi həyatında baş verən hadisələrlə bağlı fikirləri, həyata keçirilən layihələr haqqında məlumatları biz hamımız ətraflı öyrənməliyik və əhaliyə çatdırılmalıyıq.

    Hesabat məruzəsi ilə çıxış edən A.Əliyeva ötən həftə ərzində ölkə başçısının mühüm görüşlərdə iştirak etdiyini, eyni zamanda, vacib fərman və sərəncamlar imzaladığını bildirdi. A.Əliyeva ölkə başçısının iştirakı ilə (Qoşulmama Hərəkatının Təmas Qrupu formatında Zirvə görüşü, Sumqayıtda “Gilan Tekstil Park” MMC-nin tibbi maska fabrikinin və qoruyucu kombinezonların istehsalı müəssisəsinin və Modul tipli ilk xəstəxana kompleksinin açılış mərasimləri, Sovet İttifaqı Qəhrəmanı Həzi Aslanovun məzarının ziyarət edilməsi, Azərbaycan Respublikasının yeni Baş Prokurorunun və Kəlbəcər Rayon İcra Hakimiyyətinin yeni başçısının videoqəbulu) keçirilən bütün tədbirlərdə və görüşlərdə İlham Əliyev tərəfindən mühüm mesajların, tapşırıq və tövsiyyələrin verildiyini qeyd etdi.

   Aygün Əliyeva ölkə başçısının təşəbbüsü ilə keçirilən Qoşulmama Hərəkatının Təmas Qrupu formatında Zirvə görüşünün ölkə başçısının beynəlxalq aləmdə böyük nüfuzunun göstəricisi olduğundan bəhs etdi.

  Natiq Azərbaycan Respublikasının Baş prokuroru Kamran Əliyev və Kəlbəcər Rayon İcra Hakimiyyətinin başçısı Azər Qocayevlə keçirilən videoqəbullar zamanı onların qarşısına qoyulan bütün tapşırıqların, qeyd etdilən iradların hər bir dövlət məmuru üçün vacibliyindən danışdı.