Əsədov Heydər Xanış oğlu - İqtisad elmləri namizədi, Azərbaycan Dövlət Dəniz Akademiyasının rektoru, Azərbaycan Respublikasının keçmiş Kənd təsərrüfatı naziri, 2-ci dərəcəli "Vətənə xidmətə görə" ordeninin kavaleri
.jpg)
Heydər Xanış oğlu Əsədov 1959-cu il oktyabr ayının 24-də anadan olmuşdur. 1978-ci ildə Bakı Sovet Ticarəti Texnikumunun mühasibat uçotu fakültəsini, 1983-cü ildə isə D.Bünyadzadə adına Azərbaycan Xalq Təsərrüfatı İnstitutunun Uçot-iqtisad fakültəsini bitirmişdir.
1978-1984-cü illərdə İnstitutda oxuduğu illərdə fəhlə, mühasib, böyük mühasib, böyük təftişçi vəzifələrində çalışmışdır. 1983-1992-ci illərdə Azərbaycan Dövlət İqtisad İnstitutunda müəllim, baş müəllim vəzifələrində işləmiş, 1987-ci ildə M.V.Lomonosov adına Moskva Dövlət Universitetində namizədlik dissertasiyasını müdafiə edərək iqtisad elmləri namizədi alimlik dərəcəsini almışdır.
992-1995-ci illərdə Türkiyənin Mərmərə Universitetinin doktorantı olmuşdur.
1995-ci ildə Azərbaycan Respublikası Prezidentinin müvafiq Sərəncamı ilə Maliyyə nazirinin müavini təyin edilmiş, 1996-2007-ci illərdə Maliyyə Nazirliyi yanında Baş Dövlət Xəzinədarlığının Baş direktoru, Azərbaycan Respublikası Maliyyə nazirinin müavini, 2007-2013-cü illərdə isə Azərbaycan Respublikası Hesablama Palatasının sədri vəzifələrində çalışmışdır.
Azərbaycan Respublikası Prezidentinin 22 oktyabr 2013-cü il tarixli Sərəncamı ilə Azərbaycan Respublikasının Kənd Təsərrüfatı naziri vəzifəsinə təyin edilmiş, 2018-ci il aprelin 21-dək həmin vəzifədə çalışmışdır.
2011-ci ildə 2-ci dərəcəli "Vətənə xidmətə görə" ordeni ilə, 29 oktyabr 2019-cu ildə Azərbaycan Respublikasında təhsilin inkişafında xidmətlərinə görə “Şöhrət” ordeni ilə təltif olunmuşdur.
3 monoqrafiyanın və 30-dan çox elmi əsərin müəllifidir.
Ailəlidir. Üç övladı var.
Keçidlər
