Şriftin ölçüsü :

Saytın rəngi :

Cavadov Ələsgər Elxan oğlu

Soyad: Cavadov
Ad: Ələsgər
Ata adı: Elxan
Doğum tarixi: 29.12.2000
Şəhid olub: 09.11.2020
Rütbə: Əsgər
Təltifləri:

"Mən Şəhid olacam!" deyib Ana vətənin müdafiəsinə gedən, işğalda olan torpaqları azad etmək üçün canından keçməyi bacaran Vətən müharibəsinin qəhrəmanlarından biri Cavadov Ələsgər Elxan oğlu.... Onun vətən sevdası hələ uşaqlıqdan bəlli idi. Valideynləri Ələsgərin əsl vətənpərvər oğul olduğunu bilirdilər, amma 44 günlük müharibənin başlaması bu sevginin sübutu oldu. Dedi və dediyi kimi də etdi!

Ələsgər Cavadov 29 dekabr 2000-ci ildə anadan olub. Azərbaycan Ordusunun əsgəri olan Ələsgər Cavadov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsində Kəlbəcər, Cəbrayıl, Füzuli və Şuşa rayonlarının işğaldan azad olunmasında fəal iştirak edib.

09.11.2020-ci ildə Şuşa şəhəri ərazisində döyüş tapşırığını yerinə yetirərkən düşmən tərəfindən açılan atəş nəticəsində aldığı qəlpə yarasından həlak olub.

Azərbaycan Prezidenti İlham Əliyevin Sərəncamına əsasən Ələsgər Cavadov ölümündən sonra “Cəsur döyüşçü”, "Vətən müharibəsi iştirakçısı", “Kəlbəcərin azad edilməsinə görə”, “Xocavəndin azad edilməsinə görə”, “Şuşanın azad edilməsinə görə” və “Şücaətə görə” medalları ilə təltif edilib.

memorial.az/az/qehremanlarimiz/2586

Keçidlər