AZƏRBAYCAN RESPUBLİKASI
BAKI ŞƏHƏRİ
BİNƏQƏDİ RAYON
İCRA HAKİMİYYƏTİ

 

S Ə N A Y E  

 

2017-ci ilin yanvar-mart aylarında Binəqədi rayonu üzrə 55932,2 min manatlıq  və ya ötən ilin müvafiq dövründən  51,8 faiz çox sənaye məhsulu istehsal edilmiş və xidmətlər göstərilmişdir.

Sənayenin dövlət müəssisələri tərəfindən 7590,9 min manatlıq və ya ümumi istehsalın 13,6 faizi qədər, qeyri-dövlət müəssisələri tərəfindən 48341,3 min manatlıq və ya ümumi istehsalın 86,4 faizi qədər sənaye məhsulu istehsal edilmiş və xidmətlər göstərilmişdir.

 

Sənaye məhsulu istehsalının indeksi,

sabit qiymətlərlə, faizlə

 

 

Sənayenin ayrı-ayrı bölmələrində istehsalın dinamikası aşağıdakı göstəricilərlə xarakterizə olunur:

 

 

Sənaye məhsulunun 35,4 faizi mədənçıxarma bölməsində, 56,3 faizi emal bölməsində, 2,5 faizi elektrik enerjisi, qaz və buxarla təchizat bölməsində, 5,8 faizi su təchizatı, tullantıların təmizlənməsi və emalı bölməsində istehsal olunmuşdur.

 

2017-ci ilin yanvar-mart aylarında istehlakçılara 62059,9 min manatlıq və ya ümumi sənaye istehsalından 11,0 faiz çox sənaye məhsulu göndərilmişdir.

2017-ci il aprel ayının 1-i vəziyyətinə sənaye müəssisələrinin anbarlarında 11318,0 min manatlıq hazır məhsul ehtiyatı qeydə alınmışdır.

 2017-ci ilin yanvar-fevral aylarında sənaye müəssisələrində 6596 nəfər işləmişdir. Bu da keçən ilin müvafiq dövründən 16,5  faiz çoxdur.

2017-ci ilin yanvar-fevral aylarında sənaye müəssisələrində orta aylıq əmək haqqı 475,8 manat olmuşdur. Bu isə əvvəlki ilin müvafiq dövrünün 98,1 faizini təşkil edir.       

 

2017-ci ilin yanvar-fevral aylarında işçilərin sayı və orta aylıq əmək haqqı aşağıdakı göstəricilərlə xarakterizə olunur:

                                                         

 

MƏDƏNÇIXARMA SƏNAYESİ

 

Mədənçıxarma sənayesi üzrə neft və qaz istehsalı aşağıdakı göstəricilərlə xarakterizə olunur:

 

 

Neft istehsalı keçən ilin müvafiq dövrünün 99,4 faizini təşkil etməklə 35,0 min ton, qaz istehsalı keçən ilin müvafiq dövründən 66,7 faiz çox olmaqla 0,5 milyon kub.metr olmuşdur.

 

EMAL  SƏNAYESİ

 

Emal sənayesində istehsalın həcmi ötən ilin müvafiq dövründən 2,4 dəfə çox olmuşdur.

 

Emal sənayesində istehsal olunmuş əsas məhsullar

 

 

Qida məhsullarının istehsalına nəzər salsaq pendir və kəsmik istehsalı keçən ilin müvafiq dövrü ilə müqayisədə 8,3 faiz artmaqla 2,6 ton, buğda kəpəyi 3,8 dəfə çox olmaqla 2135,9 ton, ətdən hazırlanan kolbasalar 6,4 ton, içli sair şokolad məmulatı 957,7 ton olmuşdur. Hazır məhsul ehtiyatı kimi 2,1 ton pendir və kəsmik, 113,1 ton isə buğda kəpəyi  qalmışdır.

İçki istehsalı sahəsində alkoqolsuz içkilər keçən ilin müvafiq dövründən 54,4 faiz çox, sair alkoqollu içkilər isə keçən ilin müvafiq dövründən 10,3 faiz artıq olmuşdur. 2017-ci il aprel ayının 1-i vəziyyətinə hazır məhsul ehtiyatı kimi 326,1 min dkl alkoqolsuz içki olmuşdur.

Dəri və dəri məmulatları istehsalı sahəsində üstü dəridən kişi ayaqqabıları dövrün sonuna hazır məhsul ehtiyatı kimi 16,2 min cüt olmuşdur.

Kimya sənayesi sahəsində suda dispersiya edilmiş boya istehsalı keçən ilin müvafiq dövründən 3,2 dəfə çox, sintetik üzvi boyayıcı maddələr 3,0 dəfə çox olmuşdur. Hazır məhsul ehtiyatı kimi 160,1 ton suda dispersiya edilmiş boya, 127,6 ton sintetik üzvi boyayıcı maddələr, 2,6 ton yapışqan və yapışqanlı maddələr qalığı qalmışdır.

Metallurgiya sənayesində hazır məhsul ehtiyatı kimi 7282,5 ton polad profil qalmışdır.

Maşın və avadanlıqlar istehsalı sahəsində qarmaqlar istehsalı keçən ilin müvafiq dövrünün 31,6 faizini təşkil edərək 12 ədəd olmuşdur. Hazır məhsul ehtiyatı kimi qarmaqlar 14 ədəd, fontan armaturu 26,9 ton olmuşdur.